Humor Manado Cerita lucu singkat bahasa daerah

Humor Manado Cerita lucu singkat bahasa daerah, buat ngoni semua ketawa ngakak kalau so baca humor Manado lucu kocak gokil. Langsung aja disimak beberapa humor berikut:

Utu, seorang murid SMP yang terkenal nakal, ditegur oleh Ibu Gurunya.
Ibu Guru : " Utu kiapa kalamarin ngana nyanda maso skolah ?"
Utu : " Sakit, Nci !"
Ibu Guru : " Kiapa nyanda kirim surat ?"
Utu : " Percuma ! Nci kwa nyanda pernah balas...?????"

"Lena.......",Tanta Mientje pangge pa depe pembantu dari ruang keluarga deeng suara keras.
"Kiapa nyonya?" Lena datang dari dapur sambil berlari-lari...
"Coba ngana sirang itu bunga-bunga di muka...nanti kita pe bunga so mo mati lagi..",perintah tanta Mientje...
"Maar nyonya, sekarang kan lagi ujang......"
"Pe bodo sekali do' ngana. Pake payung no..."


Suatu malam ada oma yang so sekarat, somo 'lewat' oma.. oma titip pesan pa opa..
Oma : "Opa, kita somo mati ini, kita pe pesan cuma satu, se pake akang kita pe baju pramuka dulu lengkap deng depe kacu deng piso ne sebelum ngoni semaso di peti pa kita.."
Opa : (sambil menangis) "Iyo oma."
Depe eso, di kebaktian penguburan, pendeta abis ba khotbah berdoa, dia lia samua so manangis-manangis ini, mari jo torang satu dalam doa..
Pendeta : "Di akhir doa pendeta bilang, "jangan menangis samua.. oma nyanda pigi kamana-mana (samua ta kage, apa ni pendeta pe maksud, so tau-tau oma so mati), oma cuma pigi Jambore..."

Oma sementara pamer oma p foto-foto waktu muda pa depe cucu; tole...
Tole : "Oma, ini foto dimana?" (difoto dapa lia oma masi muda, bermerek samua le oma da ba pake, kong ba dandan p pasung dang).
Oma : "Oh itu waktu oma di Amerika.. gaga kang oma?"
Tole : "Iyo eh gaga skali.. kalo yang ini dang?"
Oma : "Di Itali itu cuma nyak lama kwa waktu itu."
Tole : "Oh.. kalo yang ini dang?"
Oma : "Di Paris itu..."
Tole : "Ih.. gaga-gaga egh oma p foto, mantap e oma pigi-pigi ka luar negri trus..Banyak doi kang oma?! Oma kerja apa dang?"
Oma : "Nyanda kerja!" (dengan santai oma menjawab).
Tole : "Haaaaaaaaaaaaaaaaaa? Nda kerja? Kyapa boleh pigi-pigi kaluar negri dang? Jangan-jangan... jangan-jangan oma lonte (pelac*r)?"
Oma : "No apa dang......!!!"

Pagi-pagi itu alo yang umur 9 taon, kebetulan lagi libur skolah minta ijin pa mama
Alo : "ma kita mo pi bermaeng dulu pa ungke perumah....."
Mama : "eh alo..... ngana so sumokol?"
Alo : "sudah mama.....eleh papa pe nasi for dikobong ta so ambe akang sadiki...."
Mama : "ah ngana alo.., io pigi jo dang, mar kalo ba potong jalang tunggu oto lewat dulu baru ba potong neh?"
Alo : "beres mama... sapa pe anak kwa...."
10 menit kemudian tu alo so bale, kong manangis pe kancang
Mama : "kiapa ngana alo...?" (mama so nae darah)
Alo : "dong ada cubi pa ngana?"
Mama : "atau ada tumbu pangana?"
Alo : "oh dong nentau pa mama?"
Mama : "capat jawab kiapa ngana manangis?"
Alo : "bukang mama..."
Mama : "kong apa dang?"
Alo : "abis mama bilang tunggu oto lewat dulu baru kita menyebrang, kita tunggu-tunggu nyanda ada oto yang lewat...."

Suatu hari ungke deng opa ada baku janjin mau mamancing di laut karna ungke tako kelaparan, ungke bawa pisang goreng. Pas sampe di laut ungke pe pancing tagate di karang
Ungke : "Mau manyalam napa pisang goreng belum habis opa mw makang nanti, lantaran ungke pe pelit tu pisang goreng ungke bawa menyelam pas pe muncul di parahu"
Opa : "Ungke, ngana dapa dimana tu pisang goreng"
Ungke : "Di bawa laut opa"
Opa : "Kalo bagitu opa mau menyelam mau cari tu pisang goreng"
Dengan semangat opa menyelam cari tu pisang goreng tiba-tiba opa pe kapala tatoki di karang jd opa nae dengan kepala berdarah
Ungke : "Opa pe kapala kenapa badarah"
Opa : "Io ungke, bagimana ungke pe pisang goreng belum di bayar sudah itu dorang dapukul pakita dibawa"


Di suatu malam yang sunyi dan senyap ada tu tiga orang pokpok (setan yang biasanya makan bayi atau oroknya) da bacarita mo cari tau sapa da lebe jago.
Pokpok1 : "Eh,coba torang tiga baku uji sapa dang yang lebe jago."
Pokpok2 & Pokpok3 : "Boleh,ngana pe kira torang mo tako"
Kong sudah dorang tiga mulai baku suten(suit) sapa yang te dapa bagian pertama.Nah,ini pokpok1 dapa bagian pertama for kase tunjung tu jago.
Dia langsung tarbang secepat kilat,nda lama baru 2 menit dang dia so bale ulang sambil dari depe mulut da kaluar-kaluar darah segar,kong dia bilang pa depe tamang laeng,
Pokpok1 : "Ngoni da lia itu desa di sana?"
Pokpok2 & Pokpok 3 : "Iyo..."
Pokpok1 : "Samua rata,kita so kase abis!" (Sambil ta tawa puas)
Pokpok2 nda mo kalah,kong dia langsung tarbang lei secepat kilat,nda lama barang 3 menit dia so bale sambil dari depe mulut,deng depe tangan badarah-darah segar.Trus dia langsung pamer pa depe tamang-tamang.
Pokpok2 : "Ngoni da lia tu kota di seberang itu?"
Pokpok1 & Pokpok3 : "Iyo....."
Pokpok2 : "Samua rata,kita so makang dorang samua!" (Sambil ta tawa puas)
Pokpok3 lei nda mo kalah, kong dial langsung tarbang macam tu kilat.Mar nda lama 1 menit kemudian dia so bale tapi depe mata,idong,mulut,deng depe baju kaluar darah segar.
Dua Pokpok laeng pe dalam hati "pe mai dia lebe jago dari torang dua e".Kong ini pokpok3 tanya pa depe tamang-tamang
Pokpok3 : "Ngoni dua lia tu tiang listrik di perempatan sebelah?"
Pokpok1 & Pokpok2 : "Lia...."
Pokpok3 : "Pe mai kita nya liat"


     

Reactions: 

Related

Humor Daerah 1983530999543470284

Posting Komentar Default Comments

Follow Us

DP BBM GIF kumpulan DP BBM terbaru, DP bergerak, BBM Animasi gambar foto DP BB lucu, kocak ori bukan copas.

Ucapan Idul Adha 2018

Terbaru

Singkat lucu

Humor Singkat selalu menyajikan humor-humor pendek, singkat dalam bentuk cerita lucu, gambar kocak, animasi dan video singkat.
Kepinginnya sih agar saat membaca dan menontonnya enggak bikin ribet dan cepat menikmatinya serta bisa tertawa, ngakak secara lepas tanpa beban.
Jika ada masukan dan saran silahkan sampaikan dikolom kontak, via Facebook atau Twitter.
Semoga sobat semua dapat terhibur dan bisa tertawa lepas minimal mesem-mesem dengan konten yang ada di blog kami.
Salam Humor....

Total Tayangan Halaman



item